2022 оны 8 сарын 17
18.0°C

Эрдэнэт пост

ИРГЭН ТАНЫ МЭДЭХ ЭРХИЙН ТӨЛӨӨ

ХӨХ МОНГОЛ ЦОГЦОЛБОРЫГ ХЭРХЭН ТОХИЖУУЛАХ ТАЛААР НЭЭЛТТЭЙ САНАЛ АВЧ БАЙНА

Орхон аймгийн Хөх Монгол цогцолборыг буулгаж, хашааг нээлттэй болгох, зүлэгжүүлж, ногоон байгууламж тарьж иргэдийг чөлөөт цагаа өнгөрөөх боломжоор хангахыг иргэд хүссэн.

Хөх Монгол цогцолборын хашааг нь 475метр бөгөөд тухайн үедээ 275 сая төгрөгийн өтгөөр барьж байжээ. Үүнээс элэгдэл хорогдлыг нь хасвал 245 сая төгрөгийн хашаа болно. Хашааг буулгаад тээвэрлээд цэвэрлэхэд 59.5сая төгрөгийн өртөг гарна хэмээн Хотын захирагчийн албанаас тооцоолол гарсан байна.

Иймээс хашааг бүтэн буулгахгүйгээр орц гарцыг нэмэгдүүлж 8 болгохоор болжээ. Дотор талын тохижилтыг  хэрхэн хийх талаар энэ долоо хоногт/ 2022.05.09-2202.05.15/ иргэдийн дунд хэлэлцүүлэг зохион байгуулж  санал авч тохижуулахаар болжээ.

Хөх Монгол цогцолборыг 2016 онд ардын уламжлал, өв соёлыг түгээн дэлгэрүүлэх,аялал жуучлалыг хөгжүүлэх зорилгоор барьж байжээ. Гэвч орон нутгийн төсвөөс жил бүр 73 сая төгрөгийн санхүүжилт авдаг ч 96-120 сая төгрөгийн алдагдалтай ажиллаж хэл ам дагуулсны улмаас 2021 онд аймгийн ИТХ-ын ээлжит бус хуралдаанаар татан буулгахаар шийдвэрлэсэн юм.

About Post Author